နောက်သို့

ပန်းလှိုင်ကျောင်းဝင်းတွင် IGCSE ပရိုဂရမ်အား ဖွင့်လှစ်မည်ဖြစ်ကြောင်း ကြေညာခြင်း

ရန်ကုန်မြို့ရှိ ပန်းလှိုင်ကျောင်းဝင်းတွင် ဖွင့်လှစ်ထားသော Dulwich College တွင် ၂၀၁၉ ခုနှစ်၊ သြဂုတ်လမှစတင်ပြီး IGCSE ပရိုဂရမ်အား ဖွင့်လှစ်မည်ဖြစ်ကြောင်း ကြေညာခဲ့ပါသည်။ပုံမှန်အားဖြင့် ပန်းလှိုင်ကျောင်းဝင်းတွင် ကျောင်းသားကျောင်းသူများသည် Year 9 အထိ တက်ရောက်နိုင်ပြီး IGCSE ပရိုဂရမ်နှင့် IB Qualification အား Star City ကျောင်းဝင်းသို့ ပြောင်းရွေ့ကာ Year 13 (အသက် ၁၇ နှစ်) အထိ ထပ်မံတက်ရောက်ကြရပါသည်။

“Dulwich College Yangon သည် ၂၀၁၅ ခုနှစ်၊ သြဂုတ်လတွင် စတင်ဖွင့်လှစ်ခဲ့ပြီး Dulwich College Yangon ၏ လုပ်ဆောင်မှုအားလုံးကို ကျောင်းသားကျောင်းသူများ နှစ်သက်အားရပြီး ကျေနပ်မှုများရရှိကြသည့်အပေါ်တွင် အမြဲတမ်းဂုဏ်ယူမိပါသည်။ Dulwich College Yangon အနေဖြင့် ပန်းလှိုင်ကျောင်းဝင်းတွင် အလယ်တန်းကျောင်းကို ထပ်မံတိုးချဲ့နိုင်သည့်အပြင် ကျောင်းဝင်းအသစ်ဖြစ်သော Star City ကျောင်းဝင်းတွင် နိုင်ငံတကာအဆင့်မှီ Sporting Facilities များဖြင့် မကြာမီအချိန်တွင် ဖွင့်လှစ်နိုင်မည်ကိုလည်း ဂုဏ်ယူမိပါသည်” ဟု ကျောင်းအုပ်ကြီး Daryl Orchard က ပြောကြားခဲ့ပါသည်။

ကျွန်ပ်တို့သည် Stakeholders များ၏အမြင်များကို ဆက်လက်နားထောင်ပြီး မြန်မာနိုင်ငံတွင် အကောင်းဆုံး နိုင်ငံတကာကျောင်းဖြစ်ရန်လည်း ဆက်လက်ဆောင်ရွက်သွားပါမည်။

ထို့အပြင် ကျွန်ပ်တို့သည် အနာဂတ်တွင် လက်ရှိ ကျောင်းသားကျောင်းသူများနှင့် အနာဂတ်ကျောင်းသားကျောင်းသူများအတွက် ပညာရေးကမ်းလှမ်းမှုများကို တိုးချဲ့နိုင်ရန်လည်း စဉ်ဆက်မပြတ်စဉ်းစားပေးပါသည်။ Dulwich College International မှ ကျောင်းသားကျောင်းသူများသည် ၂၀၁၇ ခုနှစ် (I)GCSE စာမေးပွဲရလာဒ်တွင် ပျှမ်းမျှအားဖြင့်၇၉ ရာခိုင်နှုန်း ရရှိခဲ့ပြီး Grade အားဖြင့် A* နှင့် A ရရှိခဲ့သည်မှာ ကြီးမားသော အောင်မြင်မှုတစ်ခုလည်းဖြစ်ပါသည်။

ကျောင်းဝင်းနှစ်ခုလုံးတွင် IGCSE စာမေးပွဲများကို ကျောင်းသားကျောင်းသူများဖြေဆိုနိုင်ရန်အတွက် ကျောင်းဝင်းနှစ်ခုလုံးတွင် ကျွမ်းကျင်ဝန်ထမ်းများကို ခန့်အပ်ထားမည့် အပြင် စာမေးပွဲအခန်းများတွင် ကျောင်းသားဦးရေများကို အရေအတွက် ပိုမိုဖြေဆိုနိုင်ရန်လည်း စီစဉ်ထားပါသည်။ ပန်းလှိုင်ကျောင်းဝင်းတွင် IGCSE စာမေးပွဲဖြေဆိုပြီးမြောက်သော ကျောင်းသားကျောင်းသူများသည် Star City ကျောင်းဝင်းသို့ အလိုအလျောက်ပြောင်းရွေ့ကာ IB ပရိုဂရမ်အား ဆက်လက်တက်ရောက်နိုင်ပါသည်။